Хүн ардын эрүүл мэндийн төлөө тасралтгүй, тогтвортой тусламж үйлчилгээг үзүүлж байгаа эх баригч, сувилагчдад ногдох үйлчлүүлэгчдийн тоо стандартаас их байгаа нь энэ мэргэжлийг сонгон ажиллаж байгаа мэргэжилтнүүдээ бүхий л талаар дэмжин ажиллан тогтвор суурьшилтай ажиллах нөхцөлийг бүрдүүлэх нь хүний нөөцийн бодлогын хамгийн чухал зүйлсийн нэг болж байна.

Олон улсын сувилагч, эх баригчдын өдрийг тэмдэглэн өнгөрүүлэх ажлын хүрээнд амаржих газартаа олон жил үр бүтээлтэй ажилласан “Ахмад эх баригч, сувилагч нарын туршлагаас хуваалцан хүндэтгэл үзүүлэх” арга хэмжээг Монгол Улсын Хүний Гавьяат эмч, АУ-ы доктор, профессор, Эх барих эмэгтэйчүүдийн Зөвлөх зэрэгтэй эмч, амаржих газрын дарга Ц.Батболд үг хэлж нээв.

Уг арга хэмжээнд эрүүл мэндийн салбарт 35-43 жил ажилласан эх баригч С.Мэндбаяр, сувилагч Г.Сүрэнхорлоо нар оролцож ажлын гараагаа эхэлсэн түүх, тухайн үеийн эрүүл мэндийн салбарын онцлог, эмнэлгийн мэргэжилтнүүд бие биеэ хэрхэн хүндэлж харьцаж, урам хайрладаг талаар ярьж, сэтгэгдлээ хуваалцан залуу хойч үедээ сургалаа хайрлаж бидний хоёр дахь гэр болсон энэ өргөөндөө илүү их зүйл бүтээж, эрүүл энхийн манаанд хоёргүй сэтгэлээр ажиллахыг хүсэн ерөөлөө.

Ахмад үеийн эх баригч, сувилагч нарынхаа сэтгэлийн үгийг сонссон залуу үеийн төлөөллөөс үг хэлж дурсгалын зураг авхуулж шавь нар болон хамтран ажиллаж байсан эх баригч, сувилагч нараас дурсгалын зүйл гардууллаа.