Нийслэлийн Амгалан амаржих газрын эрүүл мэндийн даатгал, статистик, мэдээлэл технологийн алба нь 1966 онд III амаржих газар байгуулагдсан цагаас, Статистик, бүртгэл мэдээллийн кабинетын зохион байгуулалттай ажиллаж байсан. 

2018 оноос НЭМГ-ын даргын 2018 оны 01 дүгээр сарын 31-ний өдрийн “Бүтэц батлах тухай” Б/10 дугаар тушаалыг үндэслэн Амаржих газрын даргын 2018 оны 02 дугаар сарын 05-ны өдрийн А/09 дүгээр тушаалаар “Статистик, мэдээлэл зүйн алба”-ыг байгуулан нийт 6 хүний бүрэлдэхүүнтэйгээр ажиллаж эхэлсэн.

2022 оноос Монгол улсын Засгийн газрын 2021.11.17-ны өдрийн “Эрүүл мэндийн тусламж, үйлчилгээ үзүүлэх зарим байгууллагын талаар авах арга хэмжээний тухай” 352 дугаар тогтоолоор Амгалан амаржих газар төрөлжсөн мэргэшлийн эмнэлэг болсонтой холбоотой. Эрүүл мэндийн сайдын 2022.03.17-ны өдрийн “Амгалан амаржих газар” төрөлжсөн мэргэшлийн эмнэлгийн дүрэм, бүтэц батлах тухай А/146 дугаар тушаалаар эмнэлгийн бүтэц шинэчлэн өөрчлөгдөж Эмнэлгийн захирлын 2022-05-16-ны өдрийн Б/46 дугаар тушаалаар тус албаны нэршил, бүтэц, бүрэлдэхүүнийг шинэчлэн өөрчилж “Эдийн засаг, төлөвлөлт, даатгал, эрүүл мэндийн статистик, мэдээлэл технологийн алба” болсон. 2023.01.02-ны өдрийн “Байгууллагын бүтэц, орон тоо, ажил мэргэжлийн жагсаалтын шинэчлэн батлах тухай” Б/01 тоот тушаалаар ”Эрүүл мэндийн даатгал, статистик, мэдээлэл технологийн алба” болон үйл ажиллагааны 5 чиглэлтэй,  нийт 9 ажилтантай ажилласан.