Монгол Улсын Ерөнхийлөгчийн 2021 оны 58, 2025 оны 44 дүгээр зарлиг, Засгийн газрын 2021 оны 350 дугаар тогтоол, Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогчийн баталсан "2026 оны хаврын мод тарих арга хэмжээний төлөвлөгөө"-ний дагуу амаржих газрын эмч, ажилчид Чингэлтэй дүүргийн 16-р хороо, Хайлаастын эцэс, Хоймор хайрхан ахмадын амралтын газарт хаврын мод тариалалтад оролцлоо.

• Байгаль орчноо хамгаалах, ногоон байгууламжийг нэмэгдүүлэх, эрүүл аюулгүй орчныг бүрдүүлэх зорилгоор зохион байгуулагдсан мод тарих үйл ажиллагаанд идэвхтэй оролцсон байгууллагын хамт олондоо талархал илэрхийлье.
• Мод тарих нь уур амьсгалын өөрчлөлтийг бууруулах, орчны ногоон байгууламжийг нэмэгдүүлэхээс гадна хамт олны идэвх оролцоо, байгаль дэлхийгээ хайрлан хамгаалах хандлагыг төлөвшүүлэхэд чухал ач холбогдолтой билээ.
• Цаашид ногоон хөгжил, эко орчныг дэмжсэн үйл ажиллагаанд тогтмол оролцож ажиллах болно.

~ Эх, үрсийн амар, амгалангийн төлөө-Хамтдаа ~