Энэхүү эрдэм шинжилгээний бага хурал нь амаржих газрын эмч, эмнэлгийн мэргэжилтнүүдийн, нотолгоонд суурилсан анагаах ухааныг хөгжүүлэх, байгууллагын инновацын тогтолцоог бүрдүүлэх, эрүүл мэндийн тусламж үйлчилгээний чанар, хүртээмжийг сайжруулах, судалгаа шинжилгээний ажлыг чанаржуулахад оршино.

Тус эрдэм шинжилгээний бага хурлыг нээж амаржих газрын захирал АУ-ны доктор, профессор Ц.Батболд үг хэлж, АУ-ны доктор, профессор Л.Мөнх-Эрдэнэ, СУ-ны доктор П.Цэцэгмаа, АУ-ны магистр С.Энхтуяа нар шүүгчээр ажиллаа.

Эрдэм шинжилгээний бага хуралд зочин илтгэгчээр П.Сэргэлэн “Мюллерийн сувгийн гаж хөгжлийн эмнэлзүйн тохиолдол”, Р.Намуунсүрэн “Holoprosencephaly Alobar” тохиолдолд суурилсан илтгэлүүд уншигдлаа.

Эмч нарын салбар 1 хурлын удирдагчаар Н.Мөнхцэцэг /ТҮАЭОД/

1-р байр: Илтгэгч Л.Батчимэг нарын “НААГ-ын ажилчдад гепатитын В вирусын вакцинжуулалт болон дархлаа тогтцын үр дүнг судалсан нь”

2-р байр: Илтгэгч Ж.Пүрэвням нарын “Нярайн эрт үеийн эндэгдэл ба перинатал эрсдэлт хүчин зүйлсүүд ”

Эх баригч, сувилагч, эмнэлгийн тусгай мэргэжилтэний салбар 2 хурлын удирдагчаар Ч.Бадамханд /СЭОД/

1-р байр: Илтгэгч Д.Булган нарын “Дутуу нярайн асаргаа сувилгааны талаарх эхчүүдийн мэдлэгийг үнэлсэн нь”

2-р байр: Илтгэгч Ц.Болорчимэг нарын “Кесар мэс заслаар төрсөн эхчүүдийн өвдөлт намдаах эмийн бодис нь эхэд хэрхэн үйлчилдэг ба түүнийг дагасан асуудлуудыг судлах нь” тус тус шалгарлаа.

Илтгэл хэлэлцүүлсэн судлаач нартаа цаашдын эрдэм шинжилгээний ажилд нь амжилт хүсье. 😀