1. ШҮГЭЛ АЖИЛЛАГАА: Нийтийн эрх ашгийн төлөө авлига, албан тушаалын гэмт хэргийн талаар мэдээлж буй шүгэл үлээгчийг хамгаалах хуулийн төслийг УИХ-ын хаврын ээлжит чуулганаар батлуулна.

2. ШҮҮР АЖИЛЛАГАА: Төрд ажилладаг, орлогоосоо давсан хэрэглээтэй, ингэхдээ цалингаас өөр орлогогүй гэдэг төрийн албан хаагчдыг шалгана. Үүнд нийтийн албан тушаалтууд ч хамаарна.

3. ШУВУУ АЖИЛЛАГАА: Төрийн албанд ажиллах явцдаа авлига, албан тушаалын хэрэгт холбогдон, хэрэг хянан шийдвэрлэх ажиллагааны явцад гадаад улс руу оргон зайлсан хүмүүсийг олон улсын гэрээ, хууль тогтоомжийн хүрээнд эргүүлэн авчирч, хариуцлага хүлээлгэнэ.

4. ШИЛЖҮҮЛЭН АВАХ АЖИЛЛАГАА: Оффшор бүс болон гадаад улсад нуун дарагдуулсан хууль бус хөрөнгийг илрүүлж, буцаан авчрах ажлыг эрчимжүүлнэ. Ташрамд, АТГ-аас өнгөрсөн 2022 онд 2.5 их наяд төгрөгийн хөрөнгийг нөхөн төлүүлсэн. Гэмт хэргийн замаар олсон орлого, хураагдсан хөрөнгийг хэрхэн улсын орлого болгон, хэрхэн зарцуулах вэ гэдэгт шинээр хууль эрх зүйн орчин бүрдүүлж, Засгийн газарт танилцуулна.

5. ШИЛ АЖИЛЛАГАА: Төрийн өмчит компани, байгууллагын худалдан авах ажиллагаа болон удирдлагын бүтцийг олон нийтэд нээлттэй болгоно.

Эдгээр зорилтын хэрэгжүүлснээр ДНБ-ий нэг хүнд ногдох орлого 5000 ам.доллар давах боломжтой.