Амаржих газар нь эм, эмнэлгийн хэрэгслийн захиалгыг НЭМГ-т хүргүүлэн нэгдсэн худалдан авалтын тендерээс шалгарсан Эм ханган нийлүүлэх байгууллагатай шууд гэрээ байгуулан татан авалтыг хийж тусламж, үйлчилгээнд хэрэглэж ирсэн ч МУ-ын Засгийн газрын 2021 оны 352 дугаар тогтоолоор амаржих газар  нь ЭМЯ-ны харьяанд шилжсэн тул бие даан эм, эмнэлгийн хэрэгсэл, урвалжыг худалдан авах тендерийг 1,625,824,095 төгрөгийн төсөвт өртгөөр 30 багцаар худалдан авахаар нээлттэй тендер шалгаруулалтыг зарласан.
Тендерийн 30 багцад давхардсан тоогоор 13 компани тендерийн материал ирүүлсэн байна. Үнэлгээний хорооны гишүүд компаниудын тендерийн материалуудыг компани тус бүрээр ТШӨХ-ийн дагуу хянан үзэхэд:
1.    Монгол эм импекс концерн – Тендерийн материал шаардлага хангасан.
2.    Айвико Интернэшнл – Тендерийн материал шаардлага хангаагүй. /Тендерийн материалд өргүй тодорхойлолт хавсаргасан ч tender.gov.mn-д холбоотой татварын газрын цахим тодорхойлолтыг татаж авахад өртэй байсан./

3.    Энто – Тендерийн материал шаардлага хангасан. 
4.    Азифарма – Тендерийн материал шаардлага хангасан.
5.    Мөнхийн тун – Тендерийн материал шаардлага хангасан.
6.    Сүвэн Уул – Тендерийн материал шаардлага хангасан.
7.    Ньюрмеди – Тендерийн материал шаардлага хангасан.
8.    Баянгол мед – Тендерийн материал шаардлага хангасан.
9.    Монголфарм – Тендерийн төсөвт өртгөөс санал болгож буй өртөг нь 5-аас дээш хувиар хэтэрсэн.
10.    Бүрэнхайрхан сервис – Тендерийн материал шаардлага хангасан.
11.    Интерсайнс - Тендерийн төсөвт өртгөөс санал болгож буй өртөг нь 5-аас дээш хувиар хэтэрсэн.
12.    Медмонгол – Тендерийн материал шаардлага хангасан.
13.    Кореафарма – Тендерийн материал шаардлага хангасан.
Тендерийн материал хянан үзэх шатанд 13-н компаниас 3 компани  нь тендерийн материалын шаардлагыг хангаагүй тул  “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хуулийн 30.1.3 болон 14.1.2 заалтуудыг үндэслэн үнэлгээний хороо нь Айвико Интернэшнл, Монголфарм, Интерсайнс компаний тендерүүдээс татгалзсан.
Тендерийн материалын шаардлага хангасан компаниудын техникийн тодорхойлолтыг багц тус бүр дээр хянан үзэн эм, эмнэлгийн хэрэгслийг чанар ба үнэлгээний харьцуулалтыг хийсэн. 
Чанар ба үнэлгээний харьцуулалтаар хамгийн өндөр оноогоор Монгол эм импекс концерн багц 1, 2, 7, 8-д, Энто багц 3-д, Азифарма багц 4, 9, 11, 13-д, Мөнхийн тун багц 14,18,19, 20-д, Сүвэн Уул багц 15, 23-д, Баянгол мед багц 14, 24, 27-д, Медмонгол багц 28, 30-д, Кореафарма багц 29-д тус тус шалгарсан.
Тухайн тендерийн 30 багцын 3 багц буюу 9.9%-д тендерийн материал ирээгүй бол 27 багцад 43 компани үнийн санал ирүүлж 21 багцад компаниуд шалгарч, 6 багцад компаниуд шалгараагүй байна. Шалгараагүй шалтгаан нь төсөвт өртөгөөс үнийн санал нь 5 хувиас хэтэрсэн, тендерийн материал, техникийн тодорхойлолтын шаардлага хангаагүй зэрэг болно. Тендерийг дүгнэн үзэхэд 30 багцаас 21 багцад компани шалгарч, 9 багц дахин зарлагдахаар болсон бөгөөд тухайн тендер 70%-ийн гүйцэтгэлтэй явж байна. Үнэлгээний хороо нь дахин зарлах 9 багцад тендерийн материал ирээгүй болон өндөр дүнтэй үнийн санал явуулсан шалтгаануудыг судлан дахин зарлахаар төлөвлөж байна