Эрүүл мэндийн яамнаас 2022 оны 6 дугаар сарыг “ХӨДӨЛГӨӨНИЙ АЧ ХОЛБОГДЛЫГ СУРТАЛЧЛАХ САР” болгон зарласан билээ.

Аяны хүрээнд 2022 оны 6 дугаар сарын 4-ний өдөр Богд Хан Ууланд Зайсан-Дугуй цагаан-Баруун ширээт гэсэн чиглэлээр нийт 4.5 км-ын зайд Эрүүл мэндийн байгууллагуудын удирдлагууд манлайлсан явган алхалтын арга хэмжээ зохион байгуулагдсан.

2022 оны 6 дугаар сарын 8 ны өдөр “ЭРҮҮЛ МЭНДИЙНХЭЭ ТӨЛӨӨ-АЛХАНГАА ЯРИЛЦАЯ" аяны хүрээнд 3,5 км Эрүүл мэндийн Сайд С.Энхболд, Монголын явган алхалтын холбоо болон харъяа байгууллагын удирдлагуудын хамт иргэдэд эрүүл идэвхтэй амьдрал, дасгал хөдөлгөөн, явган алхалтын ач холбогдлыг сурталчлах, эрүүл мэнд бие бялдрын боловсрол олгох чиглэлээр цаашид хийх ажлын талаар алхангаа ярилцсан билээ.

2022 оны 6 дугаар сарын 18-ны өдөр "Эрүүл мэндийнхээ төлөө Аялангаа ярилцая" өдөрлөг Үндэсний цэцэрлэгт хүрээлэнгээс Улиастайн гүүр чиглэлээр нийт 14 км зайн дугуйн аялалд баг хамт олноороо нэгдлээ.