Өвчтөний түүх бичилт цахим системд шилжиж байгаатай холбогдуулан Амаржих газрын хэмжээнд компьютер тоног төхөөрөмжийн дутагдалтай байгаа тасаг нэгжүүдэд 14 ширхэг суурин иж бүрэн комьютер, 1 ширхэг Microsoft Surface-ийг 43,500,000 төгрөгийн төсвөөр худалдан авахаар 2022 оны 06 дугаар сарын 22-ны өдөр “Компьютер тоног төхөөрөмж худалдан авах” тендерийг www.tender.gov.mn цахим худалдан авах ажиллагааны сайтан дээр харьцуулалтын аргаар олон нийтэд зарласан. 2022 оны 06 дугаар сарын 29-ний өдрийн 13:00 цагт тендерийн хугацаа дуусаж, 13:30 минутад нэхээд дараах 7 компани тендерийн материал явуулсан байсан. 
     Ажлын хэсэг илгээсэн тендерийн материалуудыг үнэлэхэд Хасу энержи интернэшнл, Тэском, Дижиталсервис компанийн материал дутуу байсан тул тендер үнэлэх явцад хасагдсан. Тендерийн баримт бичиг, техникийн шаардлага хангасан 4 компаний (Монтех дистрибьюшн, Саммит компьютер технологи, Ай ти зон, Би си ти) үнийн саналыг Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийн дагуу бага үнэтэйгээс их үнэтэй рүү жагсаан бичэн үнэлэхэд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 33.2.2 дугаар зүйлийн дагуу Монтех дистрибьюшн компанид гэрээ байгуулах эрх болгон, 2022 оны 08 дугаар сарын 08-нд гэрээ байгуулж, 08 дугаар сарын 11-нд тоног төхөөрөмж хүлээлцсэн акт үйлдсэнээр тухайн тендер амжилттай зохион байгуулагдаж дууссан.