Анх Европын дутуу төрсөн хүүхэдтэй эцэг эхчүүдээс бүрдсэн холбооны гишүүд анх 2008 оны 11-р сарын 17-нд Вена хотын төв талбайгаас Вена хотод 1 жилд төрсөн дутуу хүүхдийн тоогоор 500 ширхэг цагаан бөмбөлгийг нэгэн зэрэг тэнгэрт хөөргөснөөр “Дэлхийн дутуу нярайн өдөр”-ийг тэмдэглэж ирсэн бол Монгол улсад 2011 оноос хойш энэ өдрийг дутуу төрөлтөөс сэргийлэх, дутуу төрсөн нярайн эрүүл мэндийг хамгаалахад бүх нийтийн анхаарлыг хандуулдаг чухал өдөр болгон тэмдэглэж ирсэн.

Энэхүү өдрийн хүрээнд Амгалан амаржих газрын захиргаа, удирдлага, нярайн тасгийн хамт олон хамтран эх дэлхийдээ, хайртай аав ээждээ хугацаанаасаа өмнө яаран мэндэлсэн 25 хүүхдийг гэр бүлийн хамт хүлээн авч гарын бэлэг гардуулан, үзлэг хийж, зөвлөгөө мэдээлэл өгч, БЗД-ийн ӨЭМТ-ийн эмч нарт нярайн шарлалт “ Нярайн хооллолтын бэрхшээл” сэдвээр нярайн тасгийн эрхлэгч Д.Уранчимэг, нярайн эмч Р.Намуунсүрэн нар сургалт зохион байгууллаа. Амгалан амаржих газар нь 2019, 2020 онуудад ОУ-ын JCI байгууллагатай хамтран SAVE ANGELS IV, V төслийг амжилттай хэрэгжүүлж байсан бол энэ жил буюу 2024 онд “Эрүүл нярайн аян” ТББ хамт олон нийгмийн хариуцлагын хүрээнд 4 ширхэг фото аппаратыг хандивлалаа.

Хэвлий дэх үрээ гүйцэт тээн төрүүлэхэд эхийн эрүүл мэнд, нийгэм сэтгэлзүйн байдал, ар гэрийн анхаарал халамж, эрүүл мэндийн байгууллагын тусламж үйлчилгээ бүгд нэн чухал билээ. 

~Эх үрсийн амар амгалангийн төлөө ХАМТДАА~