Жил бүрийн 3 дугаар сарын 30-ны өдрийг Дэлхийн олон улс орнуудад Эмч нарын баярын өдөр болгон тэмдэглэн өнгөрүүлдэг уламжлалтай.

Амгалан амаржих газар нь “Дэлхийн эмч нарын өдөр”-ийг тохиолдуулан Эрүүл мэндийн салбарт үр бүтээлтэй ажиллаж, хүн ардынхаа эрүүл мэндийг сахин хамгаалах үйлсэд мөр зэрэгцэн ажиллаж буй нийт эмч нартаа Эмнэлгийн захиргаа, алба нэгжүүд хүндэтгэл үзүүлэн хүлээн авлаа.

“Олон улсын эмч нарын баярын өдөр"-ийн хүндэтгэлийн үйл ажиллагааг эмнэлгийн захирал АУ-ны доктор, профессор Ц.Батболд нээн үг хэлж хамт олноо ажил үйлсээрээ манлайлсан эмч нарын хөдөлмөр зүтгэлээ үнэлэн шагнал гардууллаа.

ЗГ-ын шагнал "ЭРҮҮЛИЙГ ХАМГААЛАХЫН ТЭРГҮҮНИЙ АЖИЛТАН"-аар

Эх барих эмэгтэйчүүдийн эмч Ц.Намжилцэрэн, К.Гүлгайм, Б.Хишигдаваа, уламжлалт анагаах ухааны их эмч Б.Ууганзаяа, Мэдээгүйжүүлэг эрчимт эмчилгээний эмч Л.Сүнжидмаа нар,

ЭМЯ-ны “Жуух бичиг”-ээр Дурангийн эмч Н.Бямбадагваа, Эх барих эмэгтэйчүүдийн эмч Б.Должинжав нар,

МЭМАҮЭХ-ны “Хүндэт тэмдэг”-ээр

Нярайн эмч Б.Цэвэлмаа, Г.Баяраа, Мэдээгүйжүүлэг эрчимт эмчилгээний эмч

Д.Одончимэг, Б.Батсайхан, Дотрын эмч Д.Гэрэлмаа нар тус тус шагнагдлаа.

Тэмдэглэлт өдрийг тохиолдуулан Эмнэлгийн захирлын тушаалаар үр бүтээл, идэвх зүтгэлээрээ тэргүүлэн ажилласан эмч нарыг дараах 3 төрөл буюу “Захирлын нэрэмжит шилдэг залуу эмч" номинацид ЭБЭ-ийн эмч Т.Бавуугарьд, “Олны талархал хүлээсэн эмч" номинацид ЭБЭ-ийн эмч Ц.Чинбат, "Ёс зүй, ур чадвартай эмч" номинацид ЭБЭ-ийн эмч Ц.Намжилцэрэн нарыг шалгаруулж, үндсэн цалингийн 100%-иар, 7 эмчийг үндсэн цалингийн 30% тус тус урамшууллаа.

Үе үеийн эмч нартаа, энэрэнгүй үйлсийн эзэд цагаан нөмрөгт баатрууддаа “ОЛОН УЛСЫН ЭМЧ НАРЫН ӨДӨР”-ийн баярын мэнд дэвшүүлж аз жаргал, амжилт бүтээлийн дээдийг хүсэн ерөөе.